Покрај екс претседателот Бранко Црвенковски денеска на научната средба во МАНУ моќен настап имаше и екс претседателот на Република Македонија Ѓорѓе Иванов кој посочи дека власта се пазари со постоењето на македонскиот народ.
„Посочив и предупредив дека актуелната власт се пазари со оние што претендираат да го држат клучот на нашето минато и кои го оспоруваат нашето историско право на постоење и самоопределување“, вели тој.
Според него никој нема право и слобода се ги превртува фактите.
„Никој нема право и слобода и не е повикан да испревртува факти, да ја преиначува вистината. Не е само несоодветно туку е срамно и жално, и за Македонија и за Македонците.
Со Договорот со Бугарија, власта во Македонија сака да реши едно прашање кое ќе ја задоволи само бугарската страна. Она што Македонија го добива за возврат е самопонижување преку одродување од сопствената историја без која немаме компас за иднината.
Предупредив дека ќе посегнат по македонскиот јазик, наместо заштитен, македонскиот јазик е изложен на нападите од оспорувачите кои, обидувајќи се да го избришат или преименуваат, вршат пресија врз македонскиот идентитет“, рече Иванов.
