„И ние сме лекари“, „Еднаквост“, „Има да не нема“…се само дел од паролите на кофинансираните специјализанти кои пpoтестираат пред Министерство за здравство.
Бараат трансформација на нивниот однос од определено на неопределено време со што и тие би биле опфатени со најавените зголемувања на платите на здравствените работници.
-Ние сме еден значаен чинител во здравствениот систем, за некои две ипол до три години би требало сите од нас да бидеме веќе специјалисти и активно да учествуваме во секојдневниот здравствен систем. Одлуката за овој пpoтест не е донесена во миг. Таа потекнува од повеќе средби и нeможност да наидеме на решение за нашите пpоблеми, за пpoблемите кои што потекнуваат од договорот за вработување, изјави еден од специјализантите.
Peволтирани се што никој не им гарантира, како што велат, дека после специјализацијата ќе имаат загарантирана работа.
-Нашите договори се на определено време до завршување на специјализација. Во меѓувреме земаме просечна плата на ниво на држава, што е 24.000. Сами кофинансираме специјализација, истакна друг кофинансиран специјализант.
„Иако сме друга категорија, сепак и ние сме доктори“, велат специјализантите.
Викендот, министерот за здравство изјави дека формираат работни групи за да најдат решение како да дојде до промена на Законот и да биде исполнето нивното барање.
Видеото на Сител, погледнете го во продолжение
https://www.facebook.com/sitelvesti/videos/573990830021511/
