За експертот за политичко однесување и медиумско влијание Иво Босилков владата на Заев официјално станала полоша од таа на Никола Груевски.
“Со резилов со Макпетрол, оклопните возила и почнувањето со вакцинирање во март, оваа власт и официјално е полоша од таа на Грујо. НЕ ми се веруваше дека ќе дојде до тој момент, ама очигледно за овие дно не постои”, вели поранешниот новинар сега универзитетски предавач кој беше еден од најжестоките критичари на последната влада на ВМРО-ДПМНЕ.
На забелешките дека Владата е многу лоша но сепак не е полоша од предходната влада ама ВМРО-ДПМНЕ професорот одговара:
“Тоа е мое (информирано) мислење, и нејќам омразата што ја имам кон диктаторот да ме заслепува. Некомпетентноста кај овие е каде каде поголема, а во корупција се барабар. тоа што на Заев му тече мед и млеко од уста уопште не ми влијае, исто како надворешната-идентитетска политика”, вели Босилков.
