Како што пренесува „Би -Би –Си“, најмалку дваесет цивили се убиени во авганистанската долина Паншир, во која има борби меѓу Талибанците и опозициските сили. Комуникациите се прекинати во долината, што го отежнува известувањето, но од „Би-Би-Си“ велат дека има докази за убиства на Талибанците и покрај ветувањата за воздржаност.
Снимките од правливиот пат во Паншир покажуваат човек кој носи воена опрема опкружен со талибански борци. Пука од огнено оружје и тој се спушта на земја.
Не е јасно дали убиениот бил припадник на армијата – борбените униформи се вообичаени во регионот. Во видеото случаен минувач инсистираше дека е цивил.
Од „Би-Би-Си“ утврдуваат дека има најмалку 20 такви смртни случаи во Паншир. Една од жртвите бил дуќанџија и татко на две деца, наречен Абдул Сами.
