КАБИНЕТОТ НА ОРБАН ПОТВРДИ: Унгарските власти потврдија дека го разгледуваат барањето за азил на Груевски

Поврзано

- Advertisement -
- Advertisement -

Унгарските власти го разгледуваат барањето за азил, поднесено од поранешниот премиер Никола Груевски, информираат од прес-службата на кабинетот на премиерот Виктор Орбан, пренесе Алсат-М телевизија

Со оглед на тоа дека десетина години беше премиер, поради безбедносни причини унгарските власти дозволија Никола Груевски барањето за азил да го достави и биде сослушан во седиштето на Канцеларијата за имиграција и азил во Будимпешта. Канцеларијата ќе спроведе постапка за проценка на барањето за азил во согласно унгарското и меѓународното право, се вели во соопштението.

Од кабинетот на Орбан наведуваат дека Македоија е стратешки партнер и важен сојузник на Унгарија. Добрата соработка меѓу двете држави е клучна за развојот на балканскиот регион и за безбедноста на Европа.

– Македонската влада е партнер на Унгарија и не сакаме на никој можен начин да се мешаме во внатрешните работи на суверените држави и постапката за проценка на барањето на поранешниот премиер на Македонија за азил го сметаме чисто за правно прашање, се вели во соопштението.

Согласно унгарските закони, властите на Унгарија не смее да објават дополнителни информации и детали поврзани со постапката за азил, до нејзино целосно спроведување.

Поранешниот премиер и екс-лидер на ВМРО-ДПМНЕ во вторникот на својот фејсбук-профил објави дека се наоѓа во Будимпешта, каде побарал политички азил поради безбедносни причини.

Груевски е осуден на две години затвор за случајот „Тенк“ на Специјалното јавно обвинителство.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This