На 11 декември Заев беше убеден, бидејќи така му кажал чадорот, дека СДСМ ќе победи и дека ако се случи спротивното, тоа ќе биде крај на неговата политичка кариера.
Откако Државната изборна комисија ги објави резултатите од изборите, по што стана јасно дека СДСМ доживеа пораз и народот заслужено ги казни, Зоран Заев, исчезна од јавноста. Последен пат е забележан во неделата вечерта пред Владата како ја прославува лажната „победа“ на изборите. Од тогаш исчезна…
Тогаш, иако броењето на гласовите беше во тек, Заев истрча пред сите и еуфорично објави дека СДСМ сигурно победува на изборите и дека имаат еден пратеник повеќе од ВМРО-ДПМНЕ.
Одговарајќи на новинарски прашања, Заев рече дека прво што ќе направи вечер е дека ќе прогласи победа, а доколку не победи, тоа ќе значи крај на неговата политичка кариера.
– Ако на вака значајни избори се случи негативен резултат, тогаш ми завршува политичката кариера, но не размислувам на оваа варијанта зашто зрела е Македонија, животот се враќа и убеден сум дека победуваме. Веќе размислуваме како да се втурнеме, да го подобриме и унапредиме животот и она што го ветивме пред граѓаните – рече Заев завчера.
Влатко Ѓорчев, од ВМРО-ДПМНЕ, вчеравечер во обраќањето од седиштето на партијата откако ДИК ги соопшти официјалните резултати, порача до Заев и до СДСМ, во европски манир, да го признаат поразот. За ветувањето на Заев, пак, рече дека СДСМ самите треба да си одлучат што ќе направат.
– Заев, ако има минимум доблест, да се јави, да честита. СДСМ да се јават и да честитаат, зашто победија граѓаните на Република Македонија. Не очекуваме дека Заев ќе го направи тоа што го најави, дека ќе замине и ако освои еден глас помалку. Самите нека оценат дали ќе го почитуваат тоа што го кажа. Сакаме да потсетиме дека Македонија не е првата ниту последната држава во која имало тесни резултати. СДСМ и Заев треба да имаат европски манири и да честитаат, да ги верификуваат изборите, како што ги верификуваше и европската заедница – истакна Ѓорчев.
Превземно Телеграф.мк
