Големо освежување во своите редови најавува лидерот на ВМРО-ДПМНЕ Никола Груевски, доколку неговата партија успее да ја формира новата владина коалиција. Груевски во интервју за Дневник, вели дека смените на функционерите ќе бидат најзабележителни во третиот ешалон.
-Да, планирам. И тоа најмногу во т.н. трет ешалон. Одејќи во кампањата од место до место, увидов дека во многу места има оправдан револт од т.н. трет ешалон. Некои од нив се и предолго на иста позиција и почнале да се рутинизираат и да се однесуваат премногу бирократски. Ги загубиле жарот и енергијата. Има такви и во првиот и во вториот ешалон. Има и луѓе кај кој е видлив заморот. Има и такви што ги загубиле енергијата и високата мотивираност што ја имаа. Почнале премногу административно да одговараат, без да се потрудат да им помогнат на луѓето, туку само им даваат бирократски и административни одговори. Едноставно не „гризаат“ како некогаш кога станува збор за работење, за помагање, за креативност во секојдневната работа, во борбата секој ден, односно и одново да се докажуваш. Имаат капацитет, имаат знаење, имаат искуство, и с` е тоа во ред. Но немаат жар, го немаат еланот од порано, не се максимално мотивирани, опуштени се. Знаете секој што не се бори за успех на институцијата што ја води, со ист елан, енергија, мотив, жар како да се бори за своја приватна фирма од која му зависи личниот опстанок, значи дека го достигнал зенитот и треба да се замени со некој друг, кој можеби во почетокот ќе е помалку искусен или ќе има нешто помалку знаење, особено она што се добива од искуството, од работењето, но ќе има жар, мотивираност, силна амбиција, ќе создаваат возбудлива атмосфера во институциите со кои раководат, ќе ги мотивираат и другите во таа институција, ќе ги раздвижат работите, ќе внесат свежина, чувство за секојдневно себе докажување и напредок, индивидуи и тим кои постојат за да создадат големи нешта и кој победува. На секое микрониво на раководење. Вакви промени ќе има многу, помал дел во првата, поголем дел во втората половина од оваа година. Ова потреба во најголем дел произлезе од одењето на терен оваа година и разговор со многу луѓе, компании или самите раководители на различни нивоа. И мои и на моите соработници теренски посети. Има и такви што треба да се сменат поради создадени лоши навики, грешки и пропусти во работата, и воедно да се даде шанса и на други од кои ќе се очекува уште поголем учинок и успех. Ова ќе биде континуиран процес, но годинава ќе има еден посилен бран освежувања, вели Груевски за Дневник.
Експертите позитивно гледаат на оваа најава на Груевски.
-Ќе дојдат млади кадри, нови кадри, кои во почетокот како што слушнавме ќе имаат можеби проблеми, првите неколку месеци, меѓутоа подоцна ќе имаат многу повеќе енергија и сила за спроведување на политиката на ВМРО-ДПМНЕ и една партија која постојано ја добива довербата од народот мора да прави такви промени, бидејќи многу долг временски период е на власт така што мора да ги испорача резултатите кои ги предвидела во својата програма, вели аналитичарот Александар Даштевски, за ТВ Сител.
Освежувањата во сопствените редови не се ништо ново за ВМРО-ДПМНЕ. Партијата во своето 10- годишно владеење во повеќе наврати правеше смени на многу раководни позиции во сите ешалони на власта.
-Ги загубиле жарот и енергијата. Има такви и во првиот и во вториот ешалон. Има и луѓе кај кој е видлив заморот. Има и такви што ги загубиле енергијата и високата мотивираност што ја имаа. Почнале премногу административно да одговараат, без да се потрудат да им помогнат на луѓето, туку само им даваат бирократски и административни одговори. Едноставно не ,,гризаат“ како некогаш кога станува збор за работење, за помагање, за креативност во секојдневната работа, во борбата секој ден, односно и одново да се докажуваш. Имаат капацитет, имаат знаење, имаат искуство, и се е тоа во ред. Но немаат жар, го немаат еланот од порано, не се максимално мотивирани, опуштени се. Знаете секој што не се бори за успех на институцијата што ја води, со ист елан, енергија, мотив, жар како да се бори за своја приватна фирма од која му зависи личниот опстанок, значи дека го достигнал зенитот и треба да се замени со некој друг, кој можеби во почетокот ќе е помалку искусен или ќе има нешто помалку знаење, особено она што се добива од искуството, од работењето, но ќе има жар, мотивираност, силна амбиција, ќе создаваат возбудлива атмосфера во институциите со кои раководат, ќе ги мотивираат и другите во таа институција, вели Груевски.Лидерот на ВМРО ДПМНЕ овие промени ги најавува за почетокот на годинава, но истакнува дека поголем дел од промени ќе се спроведат во втората половина од 2017. Груевски истакнува дека потребата од овие промени ги увидел при разговорите со граѓаните, претставници на компании, но и самите раководители при неговите теренски посети во изминативе две години. Покрај изгубената енергија, Груевски вели дел од раководните кадри ќе бидат сменети и бидејќи создале лоши навики, направиле грешки и пропусти во работата.
Политичкиот аналитичар Александар Пандов вели освежувањето во редовите и на раководните позициите е секогаш добар и позитивен чекор.
-Секогаш е позитивна и добра работа, факт дека во досегашниот состав на луѓе кои што се во третиот, вториот ешалон се препознаваат одреден број на луѓе кои што се чуствуваат изморени, истрошени или се презаситени од онаа функција која што ја имаат и веќе не ги исполнува, од тука јас го поздравувам тоа најавено освежување и во ВМРО-ДПМНЕ и на ниво на држава, вели Пандов за ТВ Канал 5.
Пандов вели ова особено ќе биде од корист за граѓаните бидејќи ќе се менуваат раководители на институции кои се сервис на граѓаните и очекува дека овие промени ќе резултираат со подобрување на услугите за граѓаните од државната и јавната администрација.
