Севернокорејскиот лидер, Ким Јонг Ун, присуствувал на концерт на групата Кеј-поп, музичари од Јужна Кореја кои се наоѓаат во Пјонгјанг поради учеството на новите прекугранични манифестации пред самитот на Северот и Југот.
Тој заедно со својата сопруга Ри Со Ју уживал во настапот, а според медиумските извештаи Ким се опуштил, па неколку пати аплаудирал и играл.
По двочасовниот концерт, лидерот на Северна Кореја и неговата сопруга се ракувале и фотографирале со поп-ѕвездите.
Концертот претставува историско придвижување во односите на Сеул и Пјонгјанг, со оглед на тоа што ова е прв пат во текот на една деценија јужнокорејски музичари да отпатуваат во Северна Кореја и тоа пред самитот на лидерите на двете земји планиран за крајот на април.
Младиот севернокорејски лидер “бил длабоко допрен да види како нашите луѓе искрено уживаат во перформансот и ја разбираат уметноста на јужната страна”, наведува севернокорејската новинска агенција “KCNA”.
