Пратеникот од ГРОМ Љупчо Пренџов, по одлуката на Уставниот суд за прогласување на Добрила Кацарска како претседател на истиот, на социјалните мрежи искоментира како е возможно за толку кус период, Кацарска да биде изгласана за претседател на Уставниот суд.
Во продолжение објавата на Фејсбук:
Госпоѓата Добрила Кацарска пред само неколку месеци стана нов член во Уставниот Суд.
Се прашувам кога успеа да собере искуство, пракса, познавања и запознавање со работата?
Кога се здоби со довербата од колегите кои се со години уставни судии???
Да не се чудиме потоа почитувани граѓани зошто ЕУ ни дава негативни оцени и негативни извештаи.
Да не се чудиме зошто немаме странски инвестиции.
Да не се чудиме зошто економијата ни тоне, а сиромаштијата “чука” на сѐ повеќе врати меѓу семејствата кои сѐ уште живееме овдека.
Сето тоа е ланчан систем. Не случајно првите поглавја кои се отвораат со ЕУ се поглавјата за правна држава и правосуден систем.
Со овакви одлуки, таканаречениот правен систем во Р. Македонија во суштина е диригиран систем. П.С не честитајте во Уставен Суд, честитајте му на диригентот.
Објавата на Фејсбук може да ја погледнете ТУКА.