Предизборната кампања на предвремените избори во 2016 година ќе остане запаметена по катастрофалниот одѕив на симпатизерите и членовите на СДСМ на митинзите во предизборната кампања. Лошите антимакедонски политики и обидите да се придобијат албанските гласачи, очекувано и очигледно го одбија македонското гласачко тело – пишува порталот Журнал.нет
Досега не видовме фотогалерија од митинзите, а како што стојат работите, ниту ќе видиме. Така беше и за вчерашниот „масовен, огромен, народен“ митинг. Иако се играше со епитети, се степенуваа придавки од голем поголем, конкретна бројка се чекаше од белградската централа на Сорос. Така, по скопскиот митинг на СДСМ, што се одржа синоќа пред Владата на РМ, со конечна пресметка не излегоа опозициските медиуми, туку српски Курир.
Неверојатни 70.000 илјади граѓани, бомбастични наслови за обединет Балкан. За среќа или несреќа на сосесдите и нашите препишувачи, денеска е многу лесно да се пресмета колку народ навистина имало. За да собере 70.000 луѓе на тој потег на „Илинденска“, кој изнесува околу 6.000 квадратни метри, на квадратен метар требало да стојат 70-80 луѓе.
Медумите под директна контрола на СДСМ не објавија колку народ беше излезен вчера на митингот, но ја презедоа информацијата од српски Курир, кој работи како и повеќето српски медиуми, под контрола на Сорос, а пред неполни два месеци го купи Слободен печат на Бранко Геровски, првото перо на опозицијата.
Според пресметките на просторот од 6000-7000 квадратни метри може да собере околу 22.000 луѓе.
Ниту Сорос, ниту албанските радикали, ниту екстремистите од Беса и оние инфилтрирани во високото раководство на СДСМ не успеаја да му ја протнат на овој народ евтината приказна за подобар живот во Македонија, кој скапо ќе го плати со поделба на земјата. По скопскиот митинг на коалицијата предводена од СДСМ, јасно е дека погубната битка на предавниците на Македонија заврши погубно за нив самите.
Ниту автобусите од Струмица и Куманово, и целата администрација од Струмица, Куманово и Центар не го пополнија срамот од фијаското на решавачкиот митинг.
Организаторот дал се од себе за да го сокрие срамот, па бината беше поместена неколку метри понапред за разлика од лани во мај, а и празниот простор од бината до првиот ред во публиката беше зголемен за да ги истурка граѓаните колку што е можно поназад и да изгледа пополно. Празнината и малиот одѕив зборуваат за незадоволството од разнебитувачките политики на СДСМ.
Празнините на „Илинденска“ СДСМ се обиде да го сокрие и со помош на осветлувањето, па осветлуваше само дел од присутните кои се понапред, а другиот дел од улицата е неосветлен, па и на панорамските фотографии, само неколку што ги објавија функционерите на партијата се гледа еднен голем мрак.
За споредба, околу 70.000 граѓани се собраа минатата недела пред Собранието на РМ за да ѝ дадат поддршка на владејачката Коалиција за подобра Македонија, предводена од ВМРО-ДПМНЕ.
