За иронијата да не биде помала, „Маршот за правда“ кој денес го најави Зоран Заев како за инает се организира максимално неправедно. Овој пат, општинските организации добиле насоки за минимум потребен број на луѓе кој треба да го обезбедат за утрешниот митинг на СДСМ пред Собранието
Така, од Куманово се бараат најмалку 1.000 административци кои во изминатите три години биле вработени од страна на СДСМ. Од Велес и Штип по 300 луѓе, Свети Николе, Гостивар, Кавадарци и Неготино треба да обезбедат по најмалку 100 вработени во администрацијата за да се појават на маршот.
Од Тетово, 120.
Од помалите места како Ранковце, Јегуновце, Брвеница, Лозово, Градско и другите места бројката на административци кои мораат да се приклучат на митингот е од 50 до 70 души, или грла – што би рекол сегашниот Претседател Стево Пендаровски „ги товарат како стока по комбиња и автобуси“.
