Професорот Гордан Калајџиев во вечерашното гостување на телевизија Телма вели дека Македонија не се поставила најрационално во однос на барањето екстрадиција на Никола Груевски.
-Во екстрадицијата на Груевски не се поставивме најрационално. Во однос на неговиот приговор дека е помилуван, го истакнавме тоа дека таков член не постои. Но, тоа не е некој јак аргумент. Вие не можете да им објасните на нив дека помилувањето не постои, бидејќи членот не постои, тоа нив им делува несериозно. Груевски се повикува дека уставниот суд го признава тој член, додека Министерството за правда се повикува на правни теории, а во правни теории може да има и различни мислења, вели Калајџиев.