КАРМЕЛО ГО НАДМИНА ГАРНЕТ: Cега е 17-ти најдобар стрелец во историјата

- Advertisement -

Се чинеше дека Кармело Ентони го одигра своето во НБА лигата. Тоа беа зборовите на кошаркарските експерти до пред неколку месеци, пред поранешниот американски репрезентативец да добие шанса од екипата на Портланд.

Вчера неговиот тим го победи Хјустон, а тој како резерва постигна скромни шест поени кои му беа доволни да направи нов чекор напред на листата најдобри стрелци во историјата на НБА лигата.

Бекот на Блејзерси го надмина легендарниот Кевин Гарнет и се искачи на 17-та позиција на вечната листа.

До крајот на сезоната Кармело ќе направи обид да ги надмине Џон Хавличек, Пол Пирс, Тим Данкан, Доминик Вилкинс, Оскар Робертсон и Хаким Олајџувон, кои не се така далеку и се достижни за него.