Предупредувањето на Македонска берза за неправилното превземање на стоковната куќа во Струмица не го одврати Вице Заев од намерата да ја шири својот бизнис. Напротив, според познавачи на состојбите Вице Заев добил силна поддршка и гаранции од страна на неговиот брат Зоран Заев дека кучињата ќе лаат, а карванот ќе врви и тој не треба да отстапи од зацртаниот договор да купува што е можно повеќе рентабилни фирми кои котираат на берзата.
Самиот Вице Заев рекол дека парите не се проблем, а таму кај што со пари не може да се помине се заканувал со инспекции и притисоци до сопствениците и акционерите. Намерата била преку помалите акционери прво да влезе во фирмите, за потоа со уцени да влијае и на поголемите акционери да му ги продадат акциите. Благодарение на уцените и заканите успеал да издејствува откуп на акциите на една позната фирма по багателни цени и тоа многу скоро требало да биде официјализирано. Извори од биснис еснафот тврди дека во превземањето на фирмите Вице планирал да ги искористи и снимките кои нелегално ги поседуваше неговиот брат, а кои имаат експлицитни содржини за сопствениците. Тие се доведени пред свршен чин односно или нивните материјали да бидат објавени во јавноста или да ги продаваат фирмите, бидејќи не постојат институции кои можат да ги заштитат.
