Поранешната специјална oбвинитeлка Катица Јанева, за време на својот мандат, зела вкупно 157.000 евра надвор од редовната плата, покажуваат официјалните информации од базата „Отворени финансии“. Министерството за финансии, завчера преку базата ги објави сите буџетски трошоци од 2010 година наваму, освен основните плати на вработените во администрацијата и затоа не може да се дојде до официјална информација за висината на личниот доход на Јанева.
Но ckaндалите поврзани со Јанева и овие јавно достапни информации не завршуваат тука па така, Инфомакс дознава дека специјалката не само што земала огромни суми од Јавното обвинителство таа земала и пари директно од Владата на Република Македонија.
Се поставува прашањето по кој основ таа на 07.05.2019 година зела 36 илјади денари или 500 евра во екот на аферата Рекет?
Претпоставки има многу, но оваа е доказ дека Јанева зела директно средства во Владата на Заев, што создава простор да се влијае врз неа и претставува класичен пример непочитување на поделбата на власта, на извршна, судска и законодавна власт .
