СЈО ќе ја проширува „Империја“ со нови осомничени и нови кривични дела, најави Катица Јанева
Специјалната јавна обвинителка Катица Јанева доцна по полноќ околу 1:30 часот стигна во судот и за медиумите рече дека е задоволна од одлуката на судот. Таа ги отфрли тврдењата на адвокатите кои сметаат дека истрагата Империја е водена надвор од надлежностите на СЈО.
-Набргу ќе соопштиме дека истрагата за овој случај ќе биде проширена со нови лица , но и со нови кривични дела- изјави специјалната обвинителката Катица Јанева.
Адвокатите на осомничените откако беше дознаена одлуката за притвор не коментираа за медиумите.
5-мината оосомничени повеќе од 12 часа беа во судот на распит по барањето за определување на мерка притвор.