Усвојувањето на законот за реинтеграција на Донбас на украинскиот претседател Петро Порошенко го потврди планот на Киев конфликтот во регионот да го реши по воен пат, соопштено е од министерството за надворешни работи на Русија
Како што се наведува, со тој документ Киев законски овозможи користење на воена сила против населението во југоисточна Украина.
„Практичната примена на законот се заканува да предизвика нова ескалација на вооружените судири во Донбас, затоа го повикуваме Западот да изврши притисок на Киев за да спречи погубно сценарио со непредвидливи последици“, наведува надворешнополитичкиот ресор.
Нешто претходно, рускиот шеф на дипломатијата Сергеј Лавров оцени дека станува збор „одвратен закон кој не само што дозволува, туку предивдува можност за воено решавање на судирот на југоистокот на Украина“.
