Кина и САД имаат многу повеќе заеднички интереси од несогласувањата, рече кинескиот претседател Си Џинпинг во средата за време на состанокот со американскиот секретар за одбрана, Џејмс Матис, кој е во посета на Кина.
“Кина и САД имаат широки заеднички интереси. Точките на допир меѓу двете земји се многу повеќе од контрадикциите. Пространиот Тихи Океан, исто така, може да и припаѓа на Кина, САД и други земји. Кина и САД треба да развијат билатерални односи со почитување на принципите на взаемно почитување и взаемна корист “, рече Си Џинпинг, а го цитираше Министерството за одбрана на Кина на неговата веб-страница.
Џинпинг додаде дека кога станува збор за заеднички интереси, Кина не бега од несогласувањата што постојат меѓу двете земји.
Шефот на Пентагон изјави дека за време на средбата со Си Џинпинг , тој истакнал дека САД се подготвени да ги зајакнат стратешките врски со Кина, и да се избегне конфликт со таа земја.
“Американската страна е подготвена да ги зајакне стратешките контакти за проширување на областа на соработка, да ги контролира разликите и ризиците и да се избегне судир, а односите меѓу вооружените сили да бидат фактор на стабилност во развојот на кинеско-американските односи”, рече Матис.
Тој, исто така, ги пренесе поздравите од кинескиот претседател до американскиот лидер Доналд Трамп.
Посетата на Матис, која ќе трае до 28 јуни, беше организирана во пресрет на новата ескалација на трговскиот конфликт меѓу двете земји.
