Обновените санкции на Вашингтон за Техеран одат во корист на трговијата на нафта во јуани, велат аналитичарите. Санкциите можат да го направат јуанот поповолна валута од доларот на пазарот на нафта.
Од нивното лансирање во мај, интересот за договори за нафта во јуани се зголемува. Трговските дневни количини достигнаа рекордно ниво, а уделот на договори за јуани во глобалното тргување скокна за 12 отсто во споредба со осум проценти во март.
“Договорот е во акција”, рече Стивен Инес, шеф на тргување за Азија / Пацифик во Сингапур, како што го цитира Ројтерс. “Има смисла Иран да почне да продава нафта со договори деноминирани во јуани, наместо долари”.
Кина е најголемиот потрошувач на нафта во светот и, исто така, купува најмногу од Иран, главен производител на ОПЕК. Пекинг купува 25 отсто од иранскиот извоз на нафта, што опфаќа осум проценти од нејзините потреби.
“Санкциите … потенцијално можат да го забрзаат овој процес “, изјави потпретседателот на фирмата за финансиски услуги INTL FCStone, Бери Вајт во Сингапур.
Со користење на повеќе јуани во трговијата со нафта, Пекинг ги спасува трошоците за размена на долари и го промовира јуанот како глобална валута, велат аналитичарите. Минатата недела, нафтата во Шангај се искачи на високо ниво од 75,40 долари за барел.
