Претставник на кипарската влада ja коментираше можната употреба на кипарските воени бази од страна на Обединетото Кралство за спроведување на воени операции во Сирија.
Според портпаролот на кипарската влада Продромос Продрому, Кипар нема да учествува во ниту една воена операција во Сирија, што ќе обезбеди безбедност на земјата.
“Кипар нема никаков договор со другите држави за учеството на земјата во каква било операција. Проблемот со базите е познат подолго време”, рече Продрому.
Обединетото Кралство има две воени бази под негова јурисдикција на Кипар. Ако Обединетото Кралство ја користи базата, земјата треба да ги извести кипарските власти само за фактот, но не треба да добие овластување.
Официјалниот претставник, исто така, се осврна на можното учество на Франција во воените операции во Сирија, велејќи дека Кипар нема да учествува во нив.
“Неодамна одржавме операција за потрага и спасување со Франција, но не и со воена сила. Кипар не е заинтересиран за воени операции во регионот”, истакна Продрому.
Франција може да ја користи кипарската база Андреас Папандреу, доколку одлучи да спроведе воена операција во Сирија. Сепак, треба да добие овластување од кипарските власти да го стори тоа.
