Александар Кирацовски, пратеникот на СДСМ, го повика обвинителството, кое води истрага за случајот „Рекет“, да го повика секој на распит од кого е објавена фотографија со одомничените во овој случај.
„Очигледно, истрагата околу случајот „Рекет“ се одвива длабински, сеопфатно и транспарентно.
Овој процес ќе ја потврди вистината и ќе ја сузбие лагата и шпекулациите. Криминалците ќе бидат изведени пред лицето на правдата, одговарајќи за стореното.
Но, кон овој случај, неопходно е Обвинителството да пристапи и низ општественото огледало кое претежно го креираат политичките напади и инсинуации, лажните вести и конструкциите.
Не смее да остави дамка врз процесот оставајќи разно-разни шпекулации да кружат во јавноста, независно дали се политичка реторика или чаршиски муабети.
Пример, тоа може да го стори единствено ако го повика секој, кој има макар и една слика со било кој од обвинетите, да го провери контекстот и да ги расчисти дилемите во јавноста.
