Новинарката на „Вашингтон пост“, која неколку часа по трагичната смрт на Коби Брајант потсети дека легенданриот кошаркар бил обвинет за силување на една работничка во хотел, доби суспензија од американскиот весник. На овој детал само неколку часа по неговата смрт потсети Фелиција Сонмез споделувајќи текст од пред неколку години, по што на нејзина адреса пристигнале голем број закани.
-Па, ова навистина ги отвори очите. За оние 10.000 (буквално) кои коментираа, ми праќаа мејлови со навреди и закани дека ќе бидам убиена, ве молам да застанете и да ја прочитате оваа приказна. Напишана е пред повеќе од три години и не ја пишував јас. Секоја јавна личност би требало да биде запаметена во својата целовитост, напиша новинарката.
Суспензијата за „Дејли Мејл“ ја потврди директорката на американскиот медиум, Трејси Грант.
„Нашата новинарка, задолжена за национална политика, Фелисија Сонмез е испратена на административно отсуство додека не решиме дали нејзините твитови за смртта на Коби Брајант ги прекршиле правилата за однесување на вработените на социјални мрежи“, кажа Грант.
