Веќе е повеќе од јасно дека планот на групата амбасадори кои уште во 17.00 часот беа собрани во еден елитен хотел во центарот на Скопје, беше токму предизвикување на народен револт, со цел да се покрие терористичкиот акт на државен удар во обид на СДСМ и албанските партии, заедно со командантот на УЧК Талат Џафери
Дека ова е така, докажува и фактот дека наместо да се поднесуваат кривични пријави и итно да се приведат пучистите, инаку едно од најтешките дела проти државата, органите на прогонот се закануваат дека силата ќе ја покажуваат врз народот кој беше испровоциран токму од активностите на СДСМ и пучистите.
На овој начин, не само што нема да се отстрани непосредната опасност од зголемување на револтот кај народот, туку и се поттикнува бидејќи, прогонот се прави под притисок на истата меѓународна заедница која го испровоцира инцидентот во Собранието, а јавноста добива впечаток дека прес-конференциите кои бесрамно и слободно ги одржуваат пучистите се мерило за тоа како ќе се однесуваат институциите задолжени со спроведување на правдата.
Она што пак највеќе го револтира народот, судејќи по реакциите на илјадниците присутни пред Собранието на 27-ми Април е тоа што се спроведуваат двојни аршини во случаите со платените револуционери кои го демолираа Скопје минатата година, и луѓето кои 60 дена мирно протестираа, за на крајот по вина на СДСМ и амбасадорите кои сркаа кафе во елитниот хотел, истиот тој народ да биде испровоциран да ја земе правдата во свои раце и да ја заштити државата од државен удар.
За повредените преку 80 полицајци од нередите минатата година сеуште никој не одговарал, нема ниту прекршочни пријави. Нема ниту одговорност за оние кои ја запалија канцеларијата на претседателот, а нема ниту за оние кои ги вандализираа спомениците и објектите на државните институции.
Заев и Шеќеринска пак, предводниците на протестите кои фрлаа камења и боја врз институциите немаат добиено ниту прекршочна пријава, а дотолку повеќе лидерот на СДСМ е амнестиран од случајот „Пуч“, благодарение на Катица Јанева.
Затоа, апелираме до правосудните органи, правдата да не ја спроведуваат селективно и да не покажуваат сила врз народ, туку најнапред да покажат дека се доследни и да почнат да постапуваат по оние кои го направија вистинскиот криминал и терористички акт против Уставот на државата.
Зоран Заев, Горан Мисовски, Радмила Шеќеринска, Ферид Мухиќ, Талат Џафери, Рената Десковска, Дамјан Манчевски, Павле Богоевски,Стефан Богатинов, Ивана Туфегџиќ, и редица останати кои беа дел од обидотза државен удар.
Следствено, обвинителството да постапи и за случаите на вандализам од страна на платените протестанти од минатата година, а потоа, реципроцитетно да утврдува одговорност кај народот, голоракиот народ, кај пензионерите, бабите и дедовците кои најискрено, испровоцирани од СДСМ и чадорот, од патриотски пориви одлучија да спречат државен удар.
Александар Митовски
Директор на Центарот за истражување и Анализа
iNFOMAX.mk
