- Advertisement -
- Advertisement -
Германската Влада одобри можност за регистрирање на трет пол во матичните книги. Уставниот суд во ноември лани донесе пресуда со која се отвори таквата можност.
Судот ја донесе ваквата одлука врз основа на жалба од лице кое во половите хромозоми има само еден X хромозом. На лицето му било одобрено во изводот кај род наместо „женски“ да му пишува „поинаков“.
Надлежните претходно го одбиле барањето на лицето повикувајќи се на законот дека децата може да се регистрираат само како „машки“ или „женски“ пол или рубриката за пол да се остави празна.
Денешната одлука на Владата треба да ја потврди Парламентот.
