Нели бе, момчета на сила сме ја носеле администрацијата? Ние ли бевме тие кои се заканувавме на оние кои што нема да дојдат? Нели списоци сме правеле и сме им се заканувале дека ќе ги бркаме од работа ако не дојдат на митинг? Тогаш, што беше ова?
Според мое долгогодишно политичко искуство, далеку над моите очекувања. Она што е најважно – Скопје излезе!
Во услови на ваква пресија, со апсења, монтирани политички процеси и прогони, со притисоци врз администрацијата, кога СДСМ и неговите коалициони партнери држат над 97% од локлната самоуправа и целата државна власт.
Вечерва се случи реверзибилен процес. Излегоа гневните, револтираните. Излегоа патриотите! Оние што не се плашат. А, кога ќе излезат и оние кои се плашат, ќе летаат од преубавата владина зграда заедно со оградата што сакаа да ја рушат! Не само што не ја рушија, туку добро е уште некој анкер да стават одвнатре да ја зајакнат.
Живот нема! Правда нема! Пари нема! Бизнис нема! – ама затоа има иселување, и што е најинтересно се радуваме ако ја надминеме, ако сме малку над нулата. Секој број помножен со нула, дава нула. Не можеш со една приказна да го држиш народот во покорност. Приказната е прочитана и научена. Отрезнувањето доаѓа!
Ќе бидат помножени со нула.