Роден на: 29 април 1947 година во Скопје
Професија: театарски режисер
Специјалност: кризи и местенки
Предавник. Кодош со тапија. Лустриран удбаш. И сигурно ова ви изгледа како гневно налудничаво набројување на етикети, ете така, што од немоќ што од пакост, но грешите. Овие погрдни гнасни зборови, всушност, се епитети кои го величаат ликот и делото на Владимир Милчин. Жално, страшно, ужасно.
Владимир Милчин, доскорешниот прв човек на СОРОС во Македонија, во понеделникот беше одликуван „за заслуги за унапредување на Албанците“. Признанието му го додели лично претседателот на Косово, Хашим Тачи.
Со значајни погледи, срдечни насмевки силно си ги стиснаа рацете, Хашим Тачи, кој ја оцени Ослободителната војска на Косово (УЧК) како најважен национален проект и „најуспешна политичко-воена организација на 20 век“ и Владе Милчин, кој дал особен придонес во обединувањето на сите албански политички лидери во Македонија.
Тоа, посочи Тачи пред присутните, „не би било возможно без вас, вашата жртва и братска помош“.
– Денешната церемонија е знак на благодарност кон борците и војниците кои ги дадоа животите во правичните битки на ОВК, за оние кои се бореа и кои пружиле отпор во нејзините редови – додаде Тачи, кој изрази благодарност на политичките активисти кои на време имале потребна визија, смисла и подготвеност да се ориентираат кон заштита на националните интереси.
Милчин се најде меѓу стоте личности од Македонија кои беа одликувани, рамо до рамо со лидерите на ДУИ и на ДПА, Али Ахмети и Мендух Тачи.
За што беше одликуван Милчин и зошто тоа не е изненадување? За Диво Насеље, за Гошинце, за Смиљковско Езеро, за двојазичност, за федерализација на Македонија, за распад на земјата, за Голема Албанија. За мачените полицајци, за загинатите, за петте деца убиени ѕверски на Велики петок. Овој Владимир Милчин, роден во Македонија, израснат во предавник, минатата година организираше митинг на СДСМ, на кој беа декларирани ставовите кои денеска се изборна платформа на СДСМ, двојазичност и промена на Уставот. На тој митинг присуствуваа и поддржувачи и членови на косовската бригада, на УЧК, a нескриено се истакнуваа и симболите на Голема Албанија.
На митингот беше истакната и јавна поддршка за 113 Косовска бригата именувана по Исмет Јашари, чии членови и челни луѓе го предводеа терористичкиот упад во Куманово една недела пред митингот. Во таа пресметка со терористите паднаа осум полициски животи. На тоа се надоврзуваат и симболите за идеите за Голема Албанија, со кои насекаде на Балканот се предизвикуваат инциденти, поткрепени и со скандирања за УЧК. Заев и СДСМ потоа ја почнаа кампањата кон албанските гласови.
Таквата поставеност не беше случајна, имајќи ги предвид денешните залагања и ветувања на лидерот на СДСМ Зоран Заев пред македонските Албанци.
Текстот е објавен во рубриката Личност на неделата, во 221 број на неделникот Република, кој излезе од печат на 25 ноември 2016 година.
