Корина Шумахер, сопругата на возачот на Формула 1, Михаел Шумахер, му се обрати на јавноста во пресрет на 50-тиот роденден на легендарниот спортист.
Имено, Шумахер ќе го прослави својот јубилеен 50-ти роденден на 3-ти јануари.
Корина објави соопштение за јавноста во кое таа им се заблагодари на сите за голема поддршка.
“Ние сме среќни и ви благодариме што ќе го прославите Михаеловиот 50-ти роденден со него и со нас. Вие можете да бидете сигурни дека тој е во добри раце и дека правиме се што е можно за да му помогнеме.Ве молам за разбирање бидејќи постапуваме по неговите желби ,па чувствителни теми, како што се здравјето, остануваат во приватната сфера.
Ви благодариме за вашето пријателство и сакаме многу среќа и здравје во 2019 година “, се вели во соопштението.
Ве потсетуваме, Шумахер пред пет години доживеа ужасна несреќа во скијањето и за состојбата на здравјето на седумкратниот светски шампион во светот, од тој момент речиси ништо не е познато. Со години, медиумите само се погодуваат како е, бидејќи семејството молчи за сè. Неодамна се појавија информации дека неговото лечење изнесува околу 55.000 евра месечно.
