Претседателот на Собранието на Р.Македонија во претходниот состав, и претседавач со конститутивната седница Трајко Вељановски закажал координативна средба помеѓу претставниците на политичките партии за вторник
„Денес во Собранието на Република Македонија ми беше доставено барање од 67 пратеници за закажување на продолжение на Конститутивната седница на деветтиот парламентарен состав, започната и прекината на 30 декември 2016 година. Од тие причини, а после извршените консултации со овластените претставници на политичките партии застапени во парламентот, закажав координативна средба за вторник, 21 март 2017 година, во 12 часот“, стои во соопштението испратено од Вељаноски.
„На координативната средба треба да биде утврден предлогот за состав на Комисијата за прашања на изборите и именувањата кој ќе послужи како основ за закажување на продолжение на Конститутивната седница на Собранието на Република Македонија“, додава Вељаноски.
