Кочовска: Надлежното министерство не реагирало навреме за финансиските зaгуби во ЕЛЕМ

- Advertisement -

ЕЛЕМ работи со загуби, а власта не реагирала на таквата ситуација, вели во вечерашното гостување во емисијата „Економски Магазин“ на Алсат, претставничката од опозициската ВМРО-ДПМНЕ, Гордана Кочовска. Како што кажа таа, компанијата имала обврска да доставува финансиски извештаи до надлежното министерство, но од таму немало соодветна реакција.

„Акционерските друштва во државна сопственост имаат обврска на квартална основа да доставуваат финансиски извештаи до Министерството за финансии. Тука се поставува прашање – што направило министерството, кога почнало да гледа каква е состојбата во ЕЛЕМ, а не е од сега. Минатата година ЕЛЕМ имаше загуба од речиси 17 милиони евра“, рече Кочовска.