Која е правната и здраворазумска логика во закон кои што се вика закон за употреба на јазиците да имате одредби за симболи? Јас не разбирам и тоа се натрапници одредби на кои не им е воопшто местото овде, изјави професорката од Правниот факултет, Гордана Силјановска-Давкова во дебатата на „Макфакс“.
–Очигледно е дека во овие прашања да потсетам дека беа споменувани и парите во оваа фамозна платформа и сега некој си вели во овој закон не мора да бидат решавани прашања за јазиците, ајде и со симболите да го решиме проблемот, а тоа е неодржлив однос, истакна Силјановска.
Таа прашува и колку дебати имало посветени за законот за јазиците?
-Јас не сум чула ниту за научна дебата, ниту за дебата во Собранието, а да бидам искрена ние бевме жедни за тоа и ние во текот на предизборната кампања слушавме дека чекориме кон инклузивен процес на одлучување и дека се ќе биде транспарентно и дека во Собранието ќе не повикаат и нас. Објаснете ми дали за нешто кое се вика закон за јазици му е место во Комисија за евроинтеграции или му е место во Комисијата за политички систем и односи со заедниците?, прашува Силјановска.
