Ако актуелниот лидер на ВМРО-ДПМНЕ Никола Груевски ја напушти лидерската позиција, тогаш идниот претседател на партијата би требало да ги исполнува минималните услови на позитивна перцепција кај јавноста, прифатеност кај членството и рејтинг кај меѓународната заедница
Вака генералниот секретар на ВМРО-ДПМНЕ Христијан Мицкоски го опиша идниот претседател на најголемата политичка партија во Македонија, во случај резултатите од анализата на изборните резултати покаже дека партијата треба да избере ново раководство.
Според Мицкоски, идниот лидер би требало да има позитивна перцепција, односно позитивен рејтинг кај јавноста, да биде прифатен од членството но и од меѓународната заедница.
Тој за 24Вести додаде дека ВМРО-ДПМНЕ пред се го има интересот на Македонија.
