„Ништо не наговестуваше дека планирал такво нешто. Не знам од каде нашол пиштол. Револт во семејството постои, но никој не помислил на вакво нешто, не очекував дека ќе се случи ова. Убиството не е решение. Ова е шок за мене, го осудувам насилството, иако ми е татко. Цел живот се борев за правда и еве што се случи. Во моето семејство никогаш немало насилство“, изјави Жаклина Димовска, мајка ѝ на малата Тамара, девојчето кое почина чекајќи да замине на лекување во странство.
Цело утро атентаторот го чекал екс министерот Никола Тодоров пред министерството за Здравство заедно со уште две лица, за кои вработени во министерството тврдат дека се членови на раководството на општинската организација на СДСМ Велес.
– Ги видовме како чекаат пред министетството. Мислевме дека се дел од новиот тим кој од денес ќе го преземат владеењето со оваа инситуција – велат за „Инфомакс“ вработените.
Во Тодоров пукаше 60-годишниот Љупчо Стојановски, кој е дедо на Малата Тамара која почина од запаление, а нејзината мајка ја немала однесено цела година на лекар. За нејзината смрт, тогаш, СДСМ го обвини токму Тодоров затоа што Комисијата подолго време немала донесено одлука за лекување на Тамара во странство за нејзиниот искривен рбет.
Откако Стојановски, заедно со двајцата функционери на СДСМ 4 часа го чекале Тодоров пред министерството, а тој не се појавиј, атентаторот заедно со потпомагачите се упатиле пред домот на екс министерот каде што ѕвонеле на врата.
Тој не се појавил, по што атентаторот заедно со двајцата потпомагачи се упатил, повторно пред министетството каде што пукал во 12 часот. Веднаш по пукањето двајцата потпомагачи побегнале, а нема информација дали полицијата трага по нив.
Неофицијално, двајцата потпомага неколку дена го наведувале старецот да го стори делото. А пиштолот е сопственост, со дозвола со име и презиме, на еден од нив инаку функционер на СДСМ Велес. Многу е веројатно, е дека тие од Велешкото село Канатларци утринава го донеле старецот во Скопје.
