Мафијашки филм од дваесетите години во екс-Југословенски Белград или реалност во една скопска општина.
Секој ден се повеќе граѓаните на скопската Општина Бутел забележуваат како нивната општина е под палката на криминални структури за кои што се зборува дека целосно имаат контрола над градоначалникот Велимир Смилевски.
Дел од групата која е со дебело криминално минато како извесните Мони, Камбер, и браќата Начевски кои како каобојци се развозуваат со прескапи возила низ целата општина, арогантно се однесуваат и се поставуваат како локални шерифи сеејки страв над мирното население во Бутел.
Загрижените граѓани кои контактираа со нашата редакција, велат дека Велимир Смилевски нема намера да се справи со оваа група, напротив, тој им се придружува. Од надлежните институции пак, молк. Додаваат и дека речиси и да нема фирма или дуќанче во општината која не е заведена во „црниот тефтер“ за собирање рушвет на оваа група.
