На дел од т.н. „портали“ на опозицијата, попладнево осамнаа „информации“ за наводен транспорт на мистериозен објект, спроведуван под будното око на полицијата низ Македонските автопати. Ништо чудно, дури и логично би било за СДСМ еден воз да личи и на НЛО имајќи во предвид дека во текот на целото нивно постоење не им паднало на памет да размислуваат за набавка на нови возови
Од опозицијата се толку ужаснати од глетката на новата инвестиција во ултра-модерна железничка локомотива, па не успеале ниту да препознаат за што станува збор, туку побрзале со шаблон теориите на заговор за ВМРО-ДПМНЕ. Но како што знаеме, најчесто причината за страв е непознатото, а имајќи во предвид дека од СДСМ никогаш не помислиле на инвестирање во нови возови, за нив нова локомотива е еднакво на НЛО.
На фотографиите од кои опозицијата е толку ужасната, всушност се гледа новата локомтива, шеста и последна по ред од инвестицијата на Владата на Р.Македонија во висина од 250 милиони евра, за набавка на шест ултрамодерни електрични и дизел патнички гарнитури.
Новиот воз е навистина своевиден споменик, како што и стои во бедната лага на т.н. портал „Центарњуз“, меѓутоа споменик на неспособниот СДСМ кој во целото време додека беше на власт не ни помисли да набави нешто вакво. Кога вака ќе се постават работите, стравот на СДСМ од новиот воз е и – оправдан.