Во средината на март, Хорст Сихофер, германскиот министер за внатрешни работи и поранешен премиер на Баварија, се спротивстави на идејата дека исламот е дел од германската култура и истакна дека животот во земјата е обликуван од христијанството. Се чини дека неговиот наследник Маркус Содер има слично мислење, бидејќи усвои доста необична мерка во обид да ги зачува локалните традиции.
Државниот премиер на Баварија, Маркус Содер, неодамна рече дека крстови треба да се постават во сите јавни згради во јужната германска држава, чекор што самиот го смета за важен чин кон зачувување на баварскиот идентитет.
Оваа мерка ќе се спроведува во сите објекти на баварската државна власт, училишта и судови почнувајќи од 1 јуни.
Содер, кој го замени својот политички ривал Хорст Сихофер на функцијата премиер на баварската влада во март, на социјалните медиуми напиша дека иницијативата е “јасен чин за зачувување на нашиот баварски идентитет и христијанските вредности”.
-Јасен чин зачувување на нашиот баварски идентитет и христијанските вредности. Денес решивме во Кабинетот дека од 1 јуни во секој државен орган треба да се закачи крст. Веднаш по состанокот, закачив крст во близина на влезот на Државната канцеларија.
Во тој поглед, неговиот став не се разликува многу од оној на Сихофер (и политичарите кои припаѓаат на Христијанската социјална унија [ЦСУ]), во сојуз со Христијанската демократска заедница на германската канцеларка Ангела Меркел (ЦДУ), кој тврдеше дека земјата ” е обликувана од христијанството “и дека” исламот не и припаѓа на Германија “.
