Поради високите наноси од снег, зaтвopoт во село Кшање не фунционира редовно, соопшти денеска директорот на кaзнeнo-поправната установа, Марјан Спасовски.
Наносите од снег на приодот кој води до зaтвopoт на одредени места изнесуваат и два метри.
Попладневно по барање на одговорните од зaтвopoт, општина Куманово испратила возило за расчистување на патот, но тоа не успеало да го расчисти поради високите наноси од снег.
– Поради конфигурацијата на теренот, на патот кој води до зaтвopoт има наноси кои воопшто не можат да се исчистат – изјави директорот Спасовски.
Тој информираше дека од вчера поради дeфeкт, установата е без струја и се користат агрегати. Во дефект е и телефонската линија. Проблем претставува и дистрибуцијата на храна бидејќи економските оператори се оневозможени да ја достават.
– Се надеваме дека во текот на утрешниот ден, проблемите ќе се надминат, рече Спасовски.
