Здружението на возачи на камиони во Канада објави дека на транспортниот сектор му недостасуваат 48.000 возачи низ целата земја, а потребата за нив треба да се исполни до 2024 година.
Платата за возачи се зголемува од ден на ден, но не го решава проблемот. Возачите на камиони кои штотуку почнуваат да ја вршат оваа работа годишно заработуваат околу 80.000 канадски долари (околу 51.457 евра). Во некои делови од земјата оваа сума изнесува и 100.000 канадски долари (околу 64.361 евра) годишно.
Властите на Њу Бруншик, започнаа програма за дозволување на имигранти кои ќе работат како возачи на камиони.
Така, во периодот од 2015 до 2017 година, 390 возачи на камиони дошле да работат од странски земји. Пилот-проектот вклучува возачи од Велика Британија, Бугарија, Полска, Украина и Јужноафриканската Република.
Но, со ова си направиле уште поголем проблем, бидејќи возачите, откако добиле дозвола за престој, отишле да работат во Онтарио или на запад.
Германија бара работници, плата 3000 евра!
Ѕидарската работа сега е повеќе од мешање малтер и редење тули. Ѕидарите во Германија имаат добри шанси на пазарот на труд, а и условите се солидни. И покрај тоа, добри кандидати за образование нема многу.
Девојките на градилиштата се реткост. Од вкупно 4000 градежни работници во Германија во 2012 година околу дваесеттина биле девојки. Но затоа на градилиштата често се слушаат странски јазици.
Пет посто од градежните работници доаѓаат од странство. Веќе неколку години постои размена со странство, да речеме со помош на програмот Erasmus+, преку кој се организираат и финансираат размени на студенти. Германските градежни работници повеќе сакаат во Италија, вели Бертолд Хјуберс за Дојче Веле од Сојузниот институт за стручно образование и објаснува:„Во Италија можат да работат на реставрација на историски градби, кои во Германија ги нема толку“.
Тешко е да се најдат добри ѕидари. Можностите за вработување затоа се многу добри. А и платата не е лоша. „Помошник ѕидар во германската сојузна покраина Долна Саксонија заработуваат околу 17 евра на час, што брутото изнесува околу 3000 евра месечно“, напоменува Лутз Холман, шефот на градилиштата. Тоа е предвидено со тарифни договори.
Ни градежните работници не заработуваат лошо. 25-годишниот ѕидар Марлон Бландовау на втората година од обуката зема 800 евра месечно. Не се жали за неговиот избор на занимање. „Му останувам верен на градежништвото“, вели, земајќи ја ѕидарската лажица и низ смешка додавајќи:„Тука мора да се изгради уште еден прав ѕид.“
