Канцеларијата на премиерот, Зоран Заев категорично ја отфрла како неточна и конструирана наводната преписка на електронски канал за комуникација која се прикажува како наводно да била водена меѓу премиерот и измислен „разочаран член на владејачката партија“, објави ТВ21.
„Категорично тврдиме дека се работи за лaжнa вест, конструирана содржина, графичка мaнипулaциja која единствено има за цел да шири лаги и со тоа да наштети на угледот на премиерот Заев. Најостро ја осудуваме оваа постапка со која се погазени принципите на професионалното новинарство и медиумот кој ја злo0упoтpeби својата улогата со објавување на оваа невистина“, велат од Владата.
Оваа содржина најпрво ја објави еден портал, а потоа истата и ВМРО-ДПМНЕ ја презентираше на прес-конференција преку портпаролот Димче Арсовски. Од Владата побараа само извинување од порталот, но засега нема реакција за обвинувањата од опозициската партија.