Македонски Вардар стана европски ракометен првак, а честитки доаѓаат од сите страни. Вклучувајќи и од познатата пејачка супер-ѕвезда Стинг, кој вечерва ќе има концерт во Скопје и прифати да направи нешто што никој не го направил претходно.
Пејачот требаше да има концерт веднаш по финалето на Вардар и Веспрем, но пред стартот на Ф4 најави дека ќе го помести за нешто повеќе од половина час, затоа што македонскиот тим може да игра финале во ЛШ и дека љубителите на „црвено-црните“ бои ќе сакаат да уживаат во церемонијата.
И, не погреши. Стинг ја почувствува вардаровата магија, а по европската титула, „Авалон продукција“, која го носи во Македонија, му подари дрес од РК Вардар со неговото име и бројот 51.
Вардар вторпат стана шампион на Европа, по 2017 година. Сега го победи Веспрем, а претходно славеше над ПСЖ.
