Само годинава од детска клиника си заминале тројца лекари. Проблемот е што нема специјалисти, а нема ни кој да ги учи младите за да станат педијатри. Недостатокот на кадар го затвори и Ургентниот центар на детска клиника кој беше единствен од ваков вид во државата. Од клиниката велат дека ќе го пуштат во функција, но кога ќе има кадар.
Министерот Филипче, уверува, и без Ургентен, детска клиника функционира.
Освен педијатри, се намалува бројот и на анестезиолози и гинеколози. Во одредени специјалности има по три до четири пати помалку кадар отколку што реално е потребен.
Во неколку наврати министерот Филипче, вината за недостаток на кадар ја префрла на поранешните лоши здравствени политики.
Претходно, Филипче му беше советник на екс-министерот за здравство Никола Тодоров.