Ова е многу стар и наједноставен рецепт, кој се приготвувал уште од дамнина и тоа рано наутро на Богојавление Водици. Се јаде заедно со пивтиите приготвени претходниот ден кога е строг пост.
Вкусот и мирисот на ова топло лебче е незаменливо, а е толку едноставен и по состојките и по брзиот начин на подготовка.
Потребни состојки:
500гр. брашно
1/2 филџан масло
1лажичка сода бикарбона
1лажичка сол
1/2 лажичка шеќер
по потреба топла вода
Во длабок сад ставете ги сите состојки и со топла вода замесете средно меко тесто, (како за секоја погача).
Во округло плекче (или калап со обрач )ставете масло и премачкајте.
Замесеното тесто ставете го во плекот и со раце расплескајте го низ целиот плех. Потоа свртете го од другата страна и уште малку расплескајте. С
о помош на вилушка украсете го лебчето и оставете да отстои додека се загрее рерната на 200 степени.
Откако ќе се загрее рерната до оваа температура ставете го да се пече додека убаво зарумени.