Како ретко кој македонски спортист, македонскиот возач Игор Стефановски – Иџе добива признанија за успесите кои ги постигна како во трките на ридски патеки (две титули европски шампион), така и во трките на кружни патеки (лани славеше на Нирбургринг и Золдер) – пренесе порталот Дерби.мк
Додека Стефановски се соочува со предизвици да го собере потребниот буџет за настап во 2018 година, како и да добие позитивен одговор на своето барање да биде ослободен од царина за автомобил кој ќе го набави за тркачки потреби (лани му беа наплатени 45.000 евра), продукцијата „Мелем“ објави едно инспиративно видео кое беше снимено токму на Золдер, патеката во Белгија каде што лани се возеше претпоследната рунда од ЕТЦЦ, потсетувајќи на една од победи во која македонското знаме се најде на пиедесталот.
