Селекторот Лино Червар не беше целосно задоволен од денешната игра на нашата репрезентација, но вели дека најважна е победата која се памети, а не играта. Червар со оптимизам гледа на остатокот од нашите обврски во групната фаза и очекува барем една победа на Македонија во преостанатите три средби со трите европски репрезентации од нашата група.
“Премногу опуштено влеговме во овој натпревар, иако јас ги предупредив моите ракометари дека секој меч е тежок бидејќи се работи за СП. Промашивме неколку зицери и направивме неколку технички грешки, па дојде до нервоза во тимот. Сепак, на крај е битно што победивме бидејќи бодовите се паметат, а не играта. Задоволен сум, бидејќи имаме четири бода по две средби. Сега многу полесно се дише кога знаеме дека имаме максимален број на бодови. Одиме понатаму, никогаш не смееме да се предадеме и одиме на победа и во следниот меч. Македонското срце мора да победи на еден од следните три натпревари“, вели Червар.
