Социјалните мрежи „гоpат“ со коментари за синоќешното обраќање на Рашела Мизрахи, техничката министерка која беше разрешена од нејзината функција, по предлог на техничкиот премиер Оливер Спасовски…
И, додека едни коментираат дека и порано требало да се случи тоа, други пак едноставно споделуваат „И јас сум Рашела Мизрахи“…
„Јас сум Рашела Мизрахи, горда Еврејка од Македонија“, вака техничката министерка го заврши своето излагање во врска со предлогот од техничкиот премиер, Оливер Спасовски за нејзино разрешување.
Мизрахи, нагласи дека наместо да ја остават да ја врши својата работа на функцијата министер, била мета на антисемитски напади од лица кои, како што рече, ниту бираат средства, ниту начини, ниту зборови.
„Таблата беше евтина театарска претстава“, истакна Мизрахи.
Таа рече дека е жално што пратениците од власта заборавиле на историјата на Македонија, но дека е горда што била министер во преодната влада во тешkа ситуација во која е Македонија, но и било чест за направи нешто за граѓаните.
