Талат Џафери и претставниците на политичките партии се договориле мандатот на сегашните градоначалници и советници да биде продолжен до изборот на новите членови на советите и градоначалниците. На координација со парламентарните политички партии присутвуваа претставници на СДСМ и коалицијата, ДУИ, Беса, Алијанса за Албанците и ДПА, но не претставник на ВМРО-ДПМНЕ и коалицијата.
ВМРО-ДПМНЕ не присуствуваа на координaцијата кај, нелегално избраниот Талат Џафери. За ВМРО-ДПМНЕ тој е само пратеник и е избран во незаконска постапка.
Во соопштението по координацијата стои дека партиите се договориле дека од исклучителен приоритет за Република Македонија е постигнувањето договор за донесување на Предлог-закон за изменување и за дополнување на Изборниот законик со кој одржувањето на локалните избори ќе биде предвидено за првата половина во октомври, а мандатот на сегашните градоначалници и советници ќе биде продолжен до изборот на новите членови на советите и градоначалниците.