Во Словенија, луѓето кои прележале коронавирус ќе примат само една доза вакцина.
Оние кои се заразиле по првата доза, ќе ја добијат втората доза шест месеци по оздравувањето. Вакцините сега се достапни за родители на деца од ранливи групи и хронично болни деца. Во Словенија продолжува вакцинацијата на луѓето постари од 60 години и хронични пациенти над 18 години. Словенците ги користат вакцините на „Фајзер“, „Модерна“ и „Астразенека“, кои се даваат во две дози на оние кои не се инфицирале со коронавирус.
Во земјата над 4.100 луѓе починаа од вирусот. Досега 7 отсто од населението е вакцинирано.