„Математички прецизно“ е веројатно најточната дефиниција за филигрански прецизната политичка стратегија на електро-инженерот Христијан Мицкоски, кој професорски, онака како што најдобро знае, одржа лекција по тоа како се води политика. Опозициска и државничка
Додека Зоран Заев ја завзема улогата на обичен пиун, кој во играта шах беше првата жртвувана фигура, Мицкоски успеа да се покаже како шаховски велемајстор во политичката игра наречена „операција за промена на името и идентитетот“. Тоа што Зоран Заев остана самиот да се валка во фекалиите во кои ги турнаа оние од т.н. „длабока држава“, може слободно да се протолкува како успешна сопка која му ја постави токму лидерот на ВМРО-ДМНЕ.
Фактот останува дека референдумот е вистински дебакл, фијаско на кое Заев си ја закова последната шајка на бесилката која започна да ја гради уште минатата година. Оттука, не само политичката кариера, на премиерот му е јасно дека од овој момент станува и жртва на истата онаа „длабока држава“ која поразите не ги простува и не прогледува низ прсти. Оттаму и оние скиселени ликови на вчерашната прес конференција на „За Македонија“ во хотелот „Александар Палас“.
Уште поголема и посериозна порака претставува тоа што ниту еден од претставниците на меѓународната заедница не го прогласија референдумот за успешен, односно не му дадоа поддршка на Заев. Тоа што Џес Бејли, припадник на т.н. „политичка бара“ самоиницијативно смета дека ова е „успешна операција“ не го прави фактот дека Зоран Заев заглавил до гуша во кал, помалку страшен. За Заев се разбира.
Освен тоа што успеа да го лизне Заев и целата т.н. „длабока држава“, заедно со меѓународната заедница чии актуелни претставници се на работ на политичката депонија низ Европа, но и светот, Мицкоски успеа на површина и пред судот на народот да ги извади и оние душегрижниците кои наводно се грижеа за ВМРО-ДПМНЕ. Да, успеа да ги покаже оние кои ровареле во партијата во последната декада, оние кои имаа за цел да помогнат во процесот на згаснување на партијата. Тие кои сакаа да направат раскол.
Сите тие, уште вчера кристално јасно се насликаа пред целокупната македонска јавност, не само пред членовите на партијата. Тоа се оние заштитени сведоци, уценети политички проститутки, и глодари кои навистина и немаат некаков политички капацитет. Дотолку повеќе, целиот свој живот го поминале користејќи ја филозофијата на полжавот кој со лигавење се качил на врвот на зградата.
Неговиот широк став за референдумот впрочем ги сплоти сите оние кои беа против договорот, односно оние кои бојкотираа и беа против, Мицкоски во целиот процес ја сочува и својата партија обединета, факти кои во моментов го прават најголем победник.
Имајќи го во предвид фактот што опозицијата во ниту еден момент не беше вклучена во процесот на преговорите за името, одлуката на Мицкоски да се дистанцира и од кампањата за референдумот се покажа како брилијантна. Мицкоски покажа и дека е рамо до рамо со народот, односно со огромното мнозинство од 1.2 милиони граѓани кои останаа дома и го бојкотираа референдумот за промена на името.
Уреднички коментар
