Јас знам зошто сум вечерава тука, не затоа што некој ме повика, туку затоа што така ми говори срцето, истакна вечерва во Велес Васил Зафирчев кој се придружи на протестниот марш на граѓанската иницијатива „За заедничка Македонија“.
-Така е и со сите мои сограѓани велешани кои во голем број и покрај дождот, ја пратеа поворката која тргна од пред споменикот на Панко Брашнар и неговата идеја за национално обединување, па се до споменикот на Илинденците кои ги дадоа своите животи за слободата која денес ја живееме, а особено пред споменикот на Коста Солев Рацин, основоположникот на македонската литература и поезија. Универзална е пораката на граѓанската иницијатива „За заедничка Македонија“. Тоа е порака за Македонија, не наша и нивна, не моја и твоја, туку Македонија наша заедничка, вели Зафирчев.
