По губењето на дипломат во Руската Федерација, Македонската дипломатија се ослабнува дополнително со затворање на амбасадата во Талин, Естонија, информира на својот ФБ профил бившиот шеф на Македонската дипломатија Антонио Милошоски
Според Милошоски, амбасадата на Р.Македонија во Естонија ќе биде затворена најверојатно поради финансиски недостатоци на МНР.
„Македонија ќе ја затвори амбасадата во Талин, Естонија наскоро. Најверојатно поради недостаток на финансиски средства во буџетот на Министерството за надворешни работи“ – коментира Милошоски.
Претходно, Македонија загуби еден дипломатски претставник во Руската Федерација, откако беше прогласен за персона нон-грата од Руското МНР како контрамерка на протерувањето на руски дипломат од Македонија.
