Босанскиот професор Сулејман Мулиќ – Шулц, инаку активен граѓански активист во промоцијата на малцинските права на Македонците кои живеат во Босна и Херцеговина, како и инцијатор на низа на проекти за зајакнување на пријателските односи помеѓу двете земји, испратил писмо до надлежните владини институции во Македонија и БиХ за воведување на телевизиски канал на Македонски јазик
„Сите ние кои ја сакаме Република Македонија и сме заљубеници во природната убавина на Македонија, нејзината историја и култура, обичаи, гастрономија, музиката, како и Македонскиот јазик, повторно поднесуваме предлог за телевизиска програма на Македонски јази. Нејзината основна улога би била продукција и емитување на радио и телевизиски програми во сите жанрови, кои би ги задоволиле информативните, културните, образовните и рекреациските потреби на граѓаните на БиХ и Република Македонија кои живеат и работат во Босна и Херцеговина“ – вели професорот Мулиќ.
Тој потсетува дека во Босна и Херцеговина живеат и работат голем број на Македонци, кои немаат пристап до програма на Македонски јазик.
Иницијативата е испратена до сите надлежни органи во Босна и Херцеговина и Македонија.